* Тридневниот ски билет важи само за гостите кои користат минимум три пансиони во хотелите на ЕЛЕМ ТУРС на Попова Шапка.

Напомена:

• Полудневниот билет важи од 12:00 часот
• Детскиот билет е за деца до 12 години
• Работно време на ски центрите: од 09:00-15:00 часот, викенд: 09:00– 16:00 часот
• Ноќното скијање ќе се одвива во терминот од 19:00 – 22:00 часот

ЕЛЕМ ТУРС ДООЕЛ – СКОПЈЕ
Подружница хотел Молика  – Битола
Национален парк Пелистер – Битола

Врската на хотелот и скијачките капацитети претставува современ асфалтен пат во должина од 12 км до градот Битола и меѓународниот пат помеѓу Битола и Охрид, додека растојанието до аеродромот во Охрид изнесува 70 км а 170 км до аеродромот во Скопје што од друга страна е незначителна оддалеченост за вљубениците во здравата еколошка средина, чистиот воздух, мирот и тишината далеку од урбаните средини, во текот на целата година, а посебно за вљубениците на белите спортови и скијањето кои можат да уживаат во текот на зимските месеци на терените од Зимскиот Центар Копанки кој е во непосредна близина на хотелот Молика на само 100 метри оддалеченост од хотелот.
Комплетната инфраструктура на Жичарницата, Ски стазата, и Ски лифтот заедно со Планинарскиот дом Копанки се наоѓаат покрај хотелот на почетна надморска височина од 1420 метри каде што е почетокот на жичарницата, 1610 метри локацијата на планинарскиот дом Копанки и стратот на Ски стазата на надморска висина од 1800 метри. Самата местоположба на сите капацитети нуди прекрасен видик на 1/3 од Република Македонија.

Непосредната близина на сите капацитети ја прави комплетната туристичка понуда за сите категории на гости и посетители, имајќи можност да престојуваат во најатрактивната туристичко рекреативна зона во Националниот парк Пелистер , и да добијат секакви информации за целокупната инфраструктура во овој дел на Пелистер од страна на Информативниот центар во состав на Јавната Установа Националниот парк Пелистер која се грижи и стопанисува со природните убавини и маркетинг секторот во хотелот Молика.

Состојба на Жичарницата, Ски – Лифтот и ски стазите
Ски центарот ,, Копанки “ со стартот на оваа зимска туристичка сезона за гостите и посетителите кои ги очекува располага со две постројки кои се комплетно реновирани и ставени во функција и тоа:

Жичарница и ски стаза “ Бегова Чешма – Копанки“

• Должина на комплетната постројка 680 метри
• Почетна станица на надморска висина 1400 метри
• Крајна станица на надморска висина 1610 метри
• Број на корпи со две седишта 68
• Капацитет за превоз на патници 500 на час
• Просечен нагиб 36 %

Ски – Лифт и ски стаза ,, Копанки “

• Должина на комплетната постројка 580 метри
• Почетна станица на надморска висина 1610 метри
• Крајна станица на надморска висина 1800 метри
• Број на сидра за влечење 45
• Капацитет за превоз на скијачи 700 на час
• Просечен нагиб 38 %