Хотел "Молика" претставува бисер на Пелистер. Едно од ретките места каде човек може да ја почувствува недопрената природа, да се одмори од секојдневието и да ужива во беспрекорната услуга на персоналот.

     Хотелот работи со "полна пареа" преку цела година и за него не важат "класичните" сезони.

      Хотел "Молика" се наоѓа во југозападниот дел од Република Македонија. Лоциран е во просторот на Националниот Парк "Пелистер" на локалитетот "Бегова Чешма" на надморска височина од 1420 метри, сместен во раскошот на прекрасна моликова шума.

     Спојот на дрво и мермер овозможува преку престојот во хотелот, секој посетител да ја почувствува топлината и душата на објектот во сите делови.

       Хотел "Молика" располага со ресторан со летна бавча со капацитет до 200 ресторански седишта (од кои ресторанот е со капацитет од 160 седишта а терасата од 40 седишта).

       Следејќи ги активно сите случувања мора да се истакне дека за хотелот "Молика" не постојат сезони во неговото работење. Напротив во секое годишно време и сезона Националниот Парк "Пелистер" е возбудлив и прекрасен.

      Во приземјето на хотелот сместени се рецепцијата, аперитив барот, дневниот престој, банкет салата и ресторанот. Исто така хотелот располага со клуб за разонода (библиотека, видеотека, шах, карти и сл.) детско катче како и просторија за чување на ски опрема.

      Пријавувањето на гостите се врши на рецепција преку целиот ден, при што треба да се приложат документи за лична идентификација (лична карта или пасош за странски гости).
      Одјавувањето на гостите е до 12 часот.

     Плаќањето на услугите се врши готовински и безготовински. Хотелот работи со сите видови на кредитни картички: Visa, Master Card, American Express, Diners…